1. Ümumi müddəalar
Azərbaycan İnformasiya və Kommunikasiya Texnologiyaları Sənayesi Assosiasiyası” İctimai Birliyində üzvlük münasibətləri ədalətlilik, bərabərlik,
humanistlik, şəffaflıq, qanunilik və qarşılıqlı faydalılıq prinsiplərinə uyğun olaraq Azərbaycan Respublikasının müvafiq normativ-hüquqi aktlarına,
Azərbaycan Respublikasının ratifikasiya etdiyi beynəlxalq normativ-hüquqi aktlara, İctimai Birliyin nizamnaməsinə, İctimai Birliyin idarəetmə orqanının
qərarlarına, İctimai Birliyin Davranış-etika kodeksinə və bu sənədə əsasən tənzimlənir.Azərbaycan Respublikasının vətəndaşları və ölkədə qanuni əsaslarla yaşayan
vətəndaşlığı olmayan şəxslər, Azərbaycan Respublikası ərazisində təşkilati-hüquqi formasından aslı olmayaraq qanuni əsaslarla fəaliyyət göstərən təşkilat və şirkətlər,
xarici ölkə vətəndaşları və bu ölkələrdə qanuni əsaslarla yaşayan vətəndaşlığı olmayan şəxslər, həmçinin həmin ölkələrin ərazisində təşkilati-hüquqi formasından asılı
olmayaraq qanuni əsaslarla fəaliyyət göstərən təşkilat və şirkətlər bu qaydada qeyd olunmuş tələblərə uyğun olaraq müvafiq qaydada AİKTSA-nın üzvü ola bilərlər.
AİKTSA-nın fərdi və korporativ üzvləri qaydalar çərçivəsində təşkilatın müvafiq orqanlarını seçə və seçilə bilərlər, reqlamentə uyğun olaraq təşkilatın tədbirlərində
iştirak edə, təkliflər verə və çıxış edə bilərlər. İctimai Birliyin idarəetmə orqanının yazılı icazəsi ilə təşkilatı aiddiyyatı üzrə müvafiq qaydada təmsil edə bilər,
müxtəlif sənədlərdə AİKTSA-nın üzvü olduqlarını (şifahi və yazılı) qeyd edə bilər, həmçinin təşkilatın sahib olduğu resurs və imkanlardan qaydalar çərçivəsində imtiyazlı
şəkildə faydalana bilərlər.
2. Təqdim olunan resurs və imtiyazlar
- AİKTSA üzvlüyünü təsdiqləyən sənəd.
- Biznes-forum və dəyirmi masa çərçivəsində AİKTSA üzvlərinin dövlət qurumları və nümayəndəlikləri ilə görüşlərdə iştirak.
- AİKTSA-nın Təşkilat Komitəsində təmsil olunmaq hüququ.
- www.aictia.org saytında İKT sahəsində müəllifi olduqları məqalə və elmi araşdırmaları yerləşdirmək hüququ
- AİKTSA-nın təkliflərinin müzakirəsində iştirak.
- AİKTSA-nın təltiflərindən və sertifikatlaşdırmalarından yararlanmaq.
- AİKTSA-nın təlimlərində ödənişsiz iştirak.
3. Üzvlük forma və səviyyələri
AİKTSA-ya üzvlük fərdi və korparativ olmaqla 2 (iki) formada həyata keçirilir və onların aşağıda qeyd olunmuş səviyyələri vardır. Bu qaydanın aidiyyatı üzrə 1
nömrəli əlavəsində qeyd edilmiş hər hansı bir üzvlük şərt(lər)inə cavab verən, tələb olunan sənədləri təqdim edən və üzvlük haqqını ödəyən, müvafiq qaydada müraciət
etmiş fərd və ya təşkilat və şirkətlər ilə üzvlük müqaviləsi bağlanılır. Üzvlük forma və səviyyələrinə uyğun olaraq hər bir üzv aidiyyatı üzrə 1 nömrəli əlavəsində
qeyd edilmiş resurs və imtiyazlardan faydalana bilər.
3.1 Fərdi üzvlük səviyyələri
- Peşəkar
- Həvəskar
- Tələbə
- Assosiativ
- İKT könüllüsü
3.2 Korporativ üzvlük səviyyələri
- Platin
- Qızıl
- Gümüş
- Bürünc
- Assosiativ
4. Üzvlük üçün tələb olunan sənədlər
4.1 Fərdi üzvlük üçün – müraciətçinin şəxsiyyətini təsdiq edən sənədin (şəxsiyyət vəsiqəsi və ya pasport (xarici vətəndaş və vətəndaşlığı olmayan şəxs))
və üzvlük səviyyəsinə uyğunluğu təsdiq edən sənədlərdən birinin (tələbə bileti, diplom, əmək kitabçası, beynəlxalq sertifikat, elmi dərəcəni təsdiq edən diplom)
surəti (PDF formatda), son 6 ayda çəkilmiş 3x4 sm ölçüdə olan rəngli fotosunun elektron (JPG formatda) surəti və üzvlük haqqının ödənilməsi barədə qəbzin surəti (PDF formatda).
4.2 Korporativ üzvlük üçün – müraciət edən şirkətin müvafiq dövlət qurumunda qeydiyyatdan keçməsini təsdiq edən sənədin (VÖEN, çıxarış və sair) surəti (PDF formatda) və loqosunun
surəti elektron (PNG formatda) surəti və üzvülük haqqının ödənilməsi barədə qəbzin surəti (PDF formatda).
5. Üzvlüyə xitam verilməsi halları
6.1. Üzv könüllü olaraq üzvlükdən imtina etdikdə
6.2. Üzv üçün ayrılmış resurs və imtiyazlardan aidiyyatı üzrə istifadə etmədikdə
6.3. İctimai Birliyin “Davranış-etika kodeksi”ni pozduqda
6.4. Bu qaydanın tələblərini pozduqda
6.5. Üzvlük haqqını ödəmədikdə.
